ده‌ستپێک  :::  هۆنراوه‌  :::  هۆنراوه‌ به‌ ده‌نگ  :::  پۆسته‌ر  :::  ئێمه‌  :::  کتێبی هۆنراوه‌  :::  په‌یوه‌ندی

چه‌ند هۆنراوه‌ و پۆسته‌رێکی ڕێبه‌ند هه‌ڵبجه‌یی

خـــۆشــم ئــەوێــى

لەوساتەوى خۆشت ویستووم
خۆشم ئەوێیى ، هێندەى باڵاى خەونەکانم
لەوساتەوەى بۆ یەکەم جار
کە دەستت نایە ناو دەستم
ئیتر منیش لەتۆ زیاتر
بەچاوى تۆ کەس بە دۆستى خۆم نازانم
خۆشم ئەوێى لەخۆم زیاتر
بێگومان بە لە عەشقى من
چونکە تۆ ئەو خۆرە جوانەى کە بەیانیان
خۆت ئەکەى بە ماڵى دڵما ،
دڵنیابە خۆشم ئەوێى
چونکە عەشقت وەکو درەخت
بە ناخى دڵما چەقیوە
ئەو ڕۆژانەى کە ناتبینم
چاوەکانم مات و هەژار
ئەڵێى مناڵى هەتیوە ،
دەتۆش وەرە و لێوت لەسەر لێوم دانێ
بە ئەسپای لیمۆ کانت
بخەرە ناو دەستەکانم و
دڵنیابە کەس نازانێ .
مادەم هێندە خۆشم ئەوێیت .
پەردەى شەرم لەسەر جەستەت ئاوەڵاکەو
بە هێمنى شێوەت لەسەر شێوەم دانێ
بــە گــیــانــى تـــــۆ
دڵــــــنیـــــابــە کــــەس نــــــازانــــێت ...

---

هه‌ناسه‌که‌م

هــەنــاســـەکـــــەم
من تەنیام و دڵنیابە
هەر بە تەنیاش خۆشم ئەوێیت
وەک ،، ماسى و چەم ،،،،
وەک ،، زین و مەم
وەک چۆن پێدەشتى شارەزوور
سۆزى چیاکانى ئەوێ
خۆشم ئەوێت
وەک چۆن ،،
نالى بۆ حەبیبە ، و ، وەلى بۆ شەم
لەگۆڕیشا یەکیان ئەوێ
خۆشم ئەوێت .
من نامەوێ سێبەرم بیت
کەبۆلات بێم تۆ لێم هەڵبێیت
کەلێت هەڵبێم بەرەو لام بێیت ،
من هەمیشە بەدووای تۆدا وێڵ و شەیدام .
ئەگەر هەوری چاوەکانت ،،، تەنها جارێ
بەسەر کێڵگەى ڕۆحما داکاو
گووڵى هیوام بژێتەوە
بۆهەمیشە ناڵێم تەنیام ،،،، ناڵــــــــێم تــەنیام ...
دڵــــــنــیـابـــە خـــــــــۆشــــــم ئـــەوێت .
 

----

Reband-halabjay@hotmail.com